الرئيسية » 2011 » أوكتوبر » 24 » حوار خاص وحصرى للعاشره أون لاين مع "اسماعيل" سائق سياره عميد كليه أداب المنصوره
2:37 PM
حوار خاص وحصرى للعاشره أون لاين مع "اسماعيل" سائق سياره عميد كليه أداب المنصوره
أجرت الحوار شيماء خفاجه_العاشره أون لاين اسماعيل أنا هسألك سؤال واضح وعايزه أجابه واضحه بالأمانه عميد كليه الأداب د/محمد غنيم طلب منك دهس الطلبه؟ السائق:محصلش محصلش أحكلنا ألى حصل زى ما أنتى شوفتوا السائق:الى حصل لما نزل العميدين وركبوا العربيه جه طالب ووقف أمام العربيه فا فضلت واقف وفضلنا محاصرين ساعتين من 11.5الى1.5 فى الوقت ده حاول الجيش يتفاوض معاهم ففشل وقيادات كانت موجوده كان فيه عقيد ومقدم وملازمين ففشل فى التفاوض معاهم جاء بعض الدكاتره وحاولوا يتفاوضوا معاهم ففشلوا فأنا شوفت بعض الطلبه الى يعرفونى كانوا معاددين معرفش كانوا فين بيقولوا فيه أيه قولتهم أحنا محاصرين هنموت دى طبعا غير الشتايم والكلام والشعارات يعنى شتائم بزيئه جدا وهنموتك وكتبوا على العربيه هنا يرقد عميد طب بيطرى سعيد الشربينى غير التهديدات بقى يعنى واحد كان شايل موس هيقطع الكوتش عشان منتحركش وطبعا أحنا كنا قفلين الشباك كنا بنفتح بس نتنفس ونقفل تانى بالأمانه يا أسماعيل هل أنتى فعلا دهست حد من الطلبه حتى بشكل غير مقصود؟ السائق:حضرتك أنا مادهستش حد الناس ألى كامنوا عارفنا عملوا تشبكات بأبيدهم وطلعنا براحه وحركت العربيه سنه بسنه وطبعا لما الطريق فضا سرعت شويه وبعدين أنا لو كنت عايز أدهس مكنت دهست من الأول لما كان طالب واحد ألى موقفنى وبعدين هدهس أزاى أذا كان الجيش كان واقف لو دهست مكنش حد هيسبنى أخرج من البوابه يقال أن العميد طلب دكاتره فى كليه أداب وطلب منهم يبعثوا له طلبه من كليه أداب عشان ينقذوه؟ السائق محصلش ألى قال كده كذاب أنتى شوفت يا اسماعيل طلبه معترضه على ألى بيحصل يعنى طلبه كانت مش راضيه على الموقف الحادث؟ السائق:أه فى طلبه اعدوا يتفوضوا مع طلبه ودكاتره من الجماعه جماعه أيه؟ السائق :جماعه الأخوان معروف أنها جماعه الاخوان المسلمين يعنى أنتى بتقول أن سبب التجمع ده أصلا طلاب الاخوان المسلمين؟ السائق:أه هما طلاب الاخوان المسلمين وعملوا كده ليه؟ السائق : لأنهم عرفوا أن المرشح بتعهم اد/أبراهيم العراقى ما نجحش فى الانتخابات وألى نجح د/ سيد عبد الخالق ........................................................................................................................................ أثناء الحديث مع سائق السياره توقف الحديث ثلاث مرات لأنه كان لسه خارج من النيابه وكانت حالته النفسيه سيئه جدا لدرجه أنه بكا اثناء الحديث أكثر من مره ولهذا السبب توقف الحديث أكثر من مره بل وتم التقصير فى الحديث بسبب الحاله النفسيه السيئه للسائق الذى كان دائما مايردد أثناء أنقطاع الحديث كلمه"ألى ملوش حد فى البلدى بيروح فى الرجلين" ......................................................................................................................................................................... دى صوره للسائق أثناء خروجه من النيابه بعد التحقيق
