يا خوفى منكم تعِـيدوا الكَــرَّه من تانى ..
و كل واحد بيبقى لوحدُه و أنانى ..
شوفوا مرة الصورة كاملة ..
بُكره ممكن يبقى أحلى ..
لو نشيل " أنا " م الحكاية ..
و تبقى كل الجُملة " إحنــا " ..

خلِّى دقنك جنب قلبه ..
خلى قلبه جنب عقلك ..
ضُـم إيدك جنب إيده ..
ضُـم اسمه جنب اسمك ..
ليه يكون ف السِرب شارد ؟؟
خلوا عزم الخطوة ثابت ..
لو هتافكم يبقى واحد ..
صوتكو يهزم أى محنة ..

الوشوش تِفرق ما بينكوا ..
بس لسـه الحلم واحــد ..
لما كنتوا قصاد رصاصهم ..
كان ما بينكوا الدم واحد ..
خلوا بس النية صافية ..
و القلوب حواليكو كافية ..
ألف إيد تتمد ليكم ..
لو تقولوا احنا اتصالحنـا ..

لـ الشاعرة : دعاء عبد الوهاب