يا عم الدم بيصرّخ
ودان الظلم مسدودة
كمان عالضى حتطرمخ
وعين فوقها شريطة سودا
يا دم رخيص
وشاب عريس
وسجنوا شبابه ف نعوشهم
رصاصة موت
ف حلمه تفوت
وحرقة امه ما تحوشهم
لكن برضو مفيهش دليل
شوارع دم مفرودة
ودان الظلم مسدودة
يا قضبان الوطن غربة
يا سجن قيوده حرية
كلبشاته بقت صحبه
تعلّم اسمه ف ايديا
بحبه ف وسط نار كرهه
يا شمس وليدة موؤدة
ودان الظلم مسدودة
خلاص خدت البراءة يا شيخ
على كتافك فى دم يشيخ
وقلب حرقته جوه السيخ
عدالة الرب موجودة
ودان الظم مسدودة
..
جهاد عصمت
