يا احبائى مش المصرى بس هو اللى ضد التخريب ولكن الانسان المفروض انه يكون بيبنى مش بيخرب
ومصر بالذات بلد حضارة من 7000 سنة يعنى اللى قبلنا لو ماكانوش حافظوا على البلد كنا احنا ورثنا شوية تراب وماكنش بقى عندنا الحضارة اللى اذهلت العالم
والكلمة الاهم ان انا ممتلكاتى مش بيتى واللى جوا بيتى ولكن ممتلكاتى وممتلكات اولادى واحفادى هى البلد بكل ماعليها يعنى انا لما اخرب مبنى او عربية او اتوبيس مين اللى حايدفع تمن اصلاحه ؟ ما انا برضه يعنى تمنه حاتخصم منى مش على شكل فلوس ولكن على شكل شارع مش حايترصف او كهربا مش حاتتعمل او صرف صحى مش حايتصلح واحنا الغرمانين كلنا فى الآخر , ومن الآخر يعنى انا لو ما اقدرش اصلح او ابنى بإيدى على الاقل ما اهدش