بقلم سامح المصرى ارحل يا عم ارحل يا سيدى ارحل وحياة ابوك بقولك ارحل ابوس ايديك والله ترحل دى كل مصر بشعبها قالت لك ارحل شوف الشباب وسط الميدان من كام زمان بتقولك ارحل حتى الصبايا هجرو المريا والكحل باش تحت الرموش من الدموع بتقولك ارحل حتى الشيوخ بعد الصلاة رفعة ايديها للسما تدعى عليك والله يرحل وسوزان مراتك أسالها لو بتحبها قالولها ايه العرفات على بختها من كام سنه انك هترحل ارحل دى كلمة من اربع حروف الشعب قلها: قلها بأدب من غير كسوف
يا شفايفى ضمى وافتحى عللى الهتاف عللى وقولى من السعادى مش هخاف وما فيش سكوت وصدقونى لما اهتف مش هموت ولو هموت فيها ايه انى اموت انا من زمان نفسى اقولك احفر بايدك تحت رجليك هتشوف جماجم اسألهم هما لية بقوا جماجم مهم بردو كانو فى سننا فى زهرة العشرين زيى وزيك كانو زمان شربات والضحكة سكرهم هجمتهم الخفافيش من فوق سطوح دارهم وأنا ما بقتش اخاف ما بقتش اخاف من الهتاف وبقولك ارحل سقط القناع فى الليل هيرحل مركبك وسط الضياع لا حرس ولا شراع والناس هتحكى قصتك بعد الوداع عنونها بلون الدم كذب وافترى وخداع طفى خلاص شمعتك شببنا اللى ضاع طوى خلاص صفحتك اطفلنا الجياع
فنان بيرسم خلقتك عمال يزين رسمتك علشان يحسن اخرتك ما لقى شىء يرسمة غير الفساد علشان كده بقولك ارحل ما بقى شىء تبكي عليه دى السلطه راحت والحزب باش والحاشية بتتسحب كل يوم بشويش وان كان على الجيش الجيش بيحمى الاشراف الى انتا مش منهم يا عم ارحل دى الشمس فوق صوتها اتنبح بتقولك ارحل كرهت خلاص لون الضباب نفسها فى صبح الكرامة لمصرنا المحروسة والنيل بيجرى فى الشوارع ساب الغيطان ساب المزارع علشان يصحينا من غفلة زمان صحى محمد .. صحى مينا أذن اذان الجمعة من جوه الكنيسة وبيد محمد دق الجرس صحيو الشباب زى الحرس الاسكندرية لسيناء للنوبة لسلوم لا فرق دين لا فرق لون كلنا اولاد وطن بنقولك ارحل
وأم الشهيد بتوزع الشربات ع الموجدين وسط الميدان فرحانه هيا ماشية تقول ابنى الى مات لاجل ما يعود الى فات والدم تحت رجليها يزغزغها وينادى يامة من النهاردة ما فيش فساد يا مة اضحكى وتزوقى ولبسى لبسة العيد الى فات ومتزعليش انى فرقتك انا سايب اخواتى وقفة جمبك لما تعوزينى هتلقيهم اعرفى منى الاجابة وبعدها ابقى أساليهم
يا دمع جف على الخدود من الليلادى ما فيش قيود كل الى فات بكرة يعود دى الارض فرشاها الورود وبعلو صوت بنقولك ارحل وما فيش رجوع
