|
الرئيسية » 2011 » سبتمبر » 4 » أوتـار الفن | عادل صموئيل يكتب " الفن والخلق 3 "
10:26 AM أوتـار الفن | عادل صموئيل يكتب " الفن والخلق 3 " |
كتب عادل صموئيل لما خلق الله الانسان على الارض ومن عليه بالذكاء
المفرط , اكيد هيأ له السبل ليتذوق مافى الكوكب ويشغل ذكاءه , يعنى خلق له
عوامل مساعدة وخامات يقدر يستغلها فى حياته لتسعده , بس عمل شىء عبقرى ,
انه حط قدامه حاجات واخفى عنه حاجات عشان يفكر , حط على شاطىء البحر الرمل ,
ومن الرمل ده جدودنا المصريين من 4000 سنة عملوا منه الزجاج , والعالم
اتعلمه منهم , واليابانيين جم واستخلصوا منه مادة السليكون اللى اخترعوا
منها مكونات الترانزستور واللى دخلت فى كل حاجة فى الإليكترونيات , وعمل
جبال من التراب والصخر والحجر الجيرى والجرانيت , والأخير برضه القدماء
المصريين اكتشوفا انه خامة جيدة جداً لعمل التماثيل بالذات عشان تتحدى
الزمن يعنى تماثيل مالهاش عمر افتراضى وتعيش للأبد تحكى حضارة خمس آلاف سنة
من ارقى الفنون , لكن شاء الله انه يخلق عناصر كتير لكن مدفونة بعيد جدا
جدا تحت سطح الارض , عشان الانسان يشغل مخه ويتعب ويوصل لها , ومنها النحاس
مثلا , وشكله فى الطبيعة اسمه خام النحاس يعنى حاجة زى الحجر , لكن عرف
الانسان المصرى القديم ازاى يستخرج منه النحاس ودخل فى مشغولاته الفنية
واللى تشوفها فى المتاحف وتفتخر بعظمة جدودك , وتلاها الذهب والكبريت
وعشرات الخامات اللى تحت الارض , والبترول وللعلم المصريين برضه اكتشفوه
زمان فى خامته الاصلية وعملوا منه حاجات كتير , ولما نرجع للفرق بين
التفكير بس والإبداع احكى لكم قصة , زمان واحد كان اسمه عباس بن فرناس ,
راقب حركات الطيور واشتهى يطير زيهم , هو تخيل ان الطيران ده حركة اجنحة
تتكون من ريش الطيور وخلاص ( وده التفكير المحدود ) راح جاب شوية ريش وعمل
منهم جناحين وركبهم على دراعاته وطلع فوق الجبل وحاول يطير راح واقع طبعا
من فوق الجبل واتقطمت رقبته , التفكير السليم موضوع تانى , الطائر مش
بيطير وخلاص ,لكن من وهو كتكوت لسه طالع من البيضة بيشوف امه بتطير , واول
ما جناحيه يكبروا شوية بيبتدى يتعلم الطيران يعنى بينط 2 سم لفوق وبيقع
كتير لحد ما يتعلم الطيران , وانت عشان تفهم فن الطيران , لاحظ حركة ذراع
الانسان من اول عقل الاصابع لحد الكتف , يعنى تحكمك فى الاصابع والعقل
والكف والساعد والذراع وازاى تفرده وتقبضه فى اى اتجاه , الله خلق لجناح
الطائر خاصية زى كده منه انه بيقدر يتحكم فى زاوية الريش , يعنى يقدر يقبض
الريش لفوق ولتحت بدرجات محددة ودقيقة , وبعدين الشىء الخطير جدا اللى
المرحوم عباس بن فرناس ما اخدش باله منه هو الذيل , يعنى نصف حركة الطيران
من الأجنحة والنصف من زوايا حركة الذيل , والانسان الفنان اللى اخترع
الطيارة ما اخترعهاش من فراغ , الله وضع علم خطير اسمه الملاحة الجوية
ووهبه للطيور , واعطى الانسان العقل العبقرى ليلاحظ حركة طيرانها بدقة
وقلدها بإختراع الطائرات , حتى الارجل لما الطائر بيوصل للإرتفاع المناسب
بياخد رجليه جوه جسمه , نفس حركة الطائرة وهى بتسحب العجلات عشان ما تعيقش
حركتها , وانت راكب الطيارة لما بتيجى تحود يمين او شمال ودنك بتوجعك ,
ليه ؟ لأن الطيارة وهى طايرة لقدام بتبقى افقية لكن لما تحود لازم تميل
يعنى جناح لتحت وجناح لفوق ( بتميل ناحية الجهة اللى رايحة لها ) لأنه لو
حودت افقية ممكن قوة الهوا مع السرعة الجناح يتقطم , لكن لما تميل بالزاوية
دى بتشق الهوا زى السكينة فى التورتة , ودى اتعموها من الطيور , ولما
الطيارة تيجى تنزل بلاضه من حركة الطيور , فيه كمان الطيور الكبيرة
اللى بتصطاد سمك من البحر بتشوف تنقض ازاى تخطف السمكة وتطلع فوق فى اقل من
لمح البصر , عارف لو التوقيت مش مظبوط ؟ الطائر ينزل فى الماء وده مش زى
الوز والبط يعنى مالوش فى السباحة يعنى حايغرق , من الحركة دى اتعلموا حركة
الطائرة المقاتلة لما تنقض وتطلع فوق بسرعة , حتى الغواصة ... نفس فكرتها
اتعلموها من الاسماك الكبيرة , يعنى الله عمل لها خزان بيفضى عشان تطفو
ويتملى عشان تغوص .... تبارك اسمك يا الله ... ونلتقى .....
|
الفئة: أوتــــار الفـــن |
مشاهده: 624 |
أضاف: عادل-صموئيل
| الترتيب: 5.0/1 |
إضافة تعليق يستطيع فقط المستخدمون المسجلون [ التسجيل | دخول ]
|
|