|
الرئيسية » 2011 » أوكتوبر » 2 » اوتار الفن | نشأة الموسيقى 5 لعادل صموئيل
1:45 AM اوتار الفن | نشأة الموسيقى 5 لعادل صموئيل |
بقلم : عادل صموئيــــل
وصلنا فى المقالات السابقة الى الوتر الذى يصدر نغمة واحدة , الآلات
البدائية دى كانت تكفى فى بداية نشاة الموسيقى , لأن الالحان كانت بدائية
وبسيطة , يعنى خمس نغمات تكفى ,لكن مع مرور الوقت بدات المواهب تظهر
والالحان ابتدت تبقى اكبر واحلى , ابتدى الإحتياج لنغمات اكتر , الاول بدأت
بزيادة عدد الاوتار , يعنى حقول مثال للتوضيح جاء بعد كده بفترة طوية ,
انت لو شفت القانون , تلاقى الوتر الواحد اللى بيصدر نغمة واحدة مش بيبقى
وتر واحد ولكن لنكهة الآلة ولتضخيم وتجسيم الصوت بيبقى كل نغمة 3 اوتار
متجاورين جدا والعازف بيلبس حاجة زى الخاتم فى طرف اصبعه اسمها الكسابين (
وهى جاية من كلمة كستبان بتاع الخياطة ) الكسابين دى بيتركب فيهل ريشة خلف
الاصبع , والعازف لما بيعزف بيحرك الريشة على الثلاث اوتار فى نفس الوقت ,
ومع اليدين معا ممن يعطيك نغمة طويلة جدا بقدر ما انت عايز او بقدر ما
اللحن بيقول , ولو شفت آلة القانون نفسها كلها تلاقى عدد الاوتار فيه 78
وتر ومع الازدواج تقسم 78 على 3 المهم بيطلع مايقرب من 26 نغمة , طبعا ثراء
كبير فى عدد النغمات بالإضافة ان حركة العزف بإستعمال الريشة فى حركة صدة
ردة ( او طالع نازل بسرعة ) بيديك النغمة الطويلة بالإضافة إلى النغمة
المتقطعة , ووصفت الهارب فى الحلقة الماضية وقلت انه اوتار كتير لكن عشان
الوتر مفرد بيعطى نغمات متقطعة فقط , يبقى هنا اصبع عندنا نكهتين للأوتار ,
وهى الوتر المنفرد بيعطى نغمات متقطعة والوتر المزدوج ممكن يعطى متقطعة او
مستمرة ( طويلة ) , بالطبع الملحن الموهوب بيبقى فكره واسع وخياله واسع
وامكانية الآلات بتعطى له افكار اكتر , لكن فى القانون والهارب الفكرة
الأصللية انك بتحتاج عدد كبير جدا من الاوتار , عشان تبقى المساحة الصوتية
واسعة يعنى نغمات اكتر , وجاءت المعجزة اللى بعد كده , العزف على الوتر
الواحد اسمه وتر مطلق , يعنى العازف بيطرق الوتر فقط , يعنى طول الوتر كله
بيهتز يديك الذبذبة اللى بتعطى النغمة المطلوبة , احد العازفين اما صدفة او
أى شىء آخر وضع اصبعه فى جزء من الوتر وطرق الوتر هنا خرجت نغمة تانية ,
ثم وضع اصبع تانى خرجت نغمة ثالثة ثم رابعة , وهنا علميا بيعتبر قصر من طول
الوتر , واكتشفوا ان الوتر وهو مطلق بيعطيك نغمة ولو قصرته بوضع اصبعك فى
مكان معين ( بسطبعا محدد جدا مش اى حاجة وخلاص ) بيعطيك نغمة تانية وهكذا ,
وبدأ الخبراء والمخترعين فى تبنى الظاهرة الجديدة والمهة دى , لما ابتدت
التجارب بتركيب الوتر على صندوق رنان , اكتشفوا ان الوتر الواحد ممكن يعطيك
اكتر من 15 نغمة , ولو وضعت قبله على اليمين وتر سمكه احد وعلى يساره وتر
سمكه اغلظ وهكذا ممكن آلة واحدة فيها 4 اوتار انها تعطيك مساحة صوتية مثل
مساحة القانون مثلا , مع ان القانون فيه 78 وتر لكن ممكن آلة بها 4 اوتار
فقط تعطيك نفس المساحة , هى بتفرق فى التذوق , يعنى ليه الله خلق لنا شوف
كم نوع فاكهة , لأن كل نوع له نكهة مختلفة , والتنوع حلو , انت لما تسمع
الجملة الموسيقية من عشر آلات موسيقية مختلفة حتلاقى كل آلة لها نكهة شكل ,
ولما بيعزفوا مع بعض انت بتسمع كوكتيل جميل زى كوكتيل الفواكه ...والى العدد القادم
|
الفئة: أوتــــار الفـــن |
مشاهده: 1066 |
أضاف: el3shera-news
| الترتيب: 0.0/0 |
إضافة تعليق يستطيع فقط المستخدمون المسجلون [ التسجيل | دخول ]
|
|