أستاذ حسن:بقول لحضرتك دى بحيرة يعنى امن ايه فى بحيرة والطرق كبيرة وطبعا مفيهاش غير كمين واحد يعنى لو انا حابب اسافر بليل بعد المغرب هيكون فيه خطر
انما ضرب النار العشوائى ده بليل فى اماكن معزولة وغير معزولة
ثم ان مراكز الشرطه نفسها يتقتحم قبل كدة حصل ان كان فيه ناس محبوسة من قرية اسمها الشبول تابعة لمركز المنزلة جم وهددو باقتحام المركز لو مطلعوش
وفى حاجة حصلت من حوالى 4 شهور الحاجة دى تعتبر نادره فجاءة بعد منتصف الليل لقينا ناس من القاهرة والقليوبية والصعيد
ناس باعداد كبيره موضوع مضحك الناس دول جايين عن طريق بحيرة المنزلة استغربنا وهما مستغربين ايه جابهم هنا اتكلمنا معاهم
قالو ان فى حد قالهم انه هيسفرهم ايطاليا وبعدين ركبهم من حته جنب بورسعيد وسابوهم فى المطرية ممكن متصدقنيش بس والله ده حصل
وكل واحد قال انه دفع للنصاب ده 5 الاف جنيه جبنالهم اكل وركبناهم القطار وروحناهم
كان يتراوح عمرهم من 17 ل30 سنة وكمان كان في عدد من اللى يعتبرو اطفال سنهم 12 و13 سنة
العاشره اون لاين:و ليه مبلغتوش حد مسئول؟
أستاذ حسن:عملوا محضر فى قسم الشرطه ولحد النهارده منعرفش هما عملوا ايه
العاشره أون لاين:طيب أنتوا بتطالبوا بأيه؟
أستاذ حسن:أولا الناس الغلابة اللى بتحاول تجيب قوت يومها يتامنو وهما بيصطادو تطهير بحيرة المنزلةلانها خلاص قربت على الانهيار
ثانيا تأمين الطرق بعدد من الأكمنه ووجود دوريات بمتوسيكلات على الطريق وعربيات شرطة لتامين الطرق المشكلة انه طريق السلام ده يربط عدد من المحافظات ببعضها
ثالثا لا يوجد اى من التامين ولا اشارات مرورية ولا اضاءة ولا اى حاجةعلى ذلك الطريق طيب ازاى
العاشره أون لاين:ما الكلمه التى تحب أن توجهها للمسئولين عن أمن هذا الوطن؟
أستاذ حسن:اليكم ايها المسئولين شعب غلبان يريد ان ياكل ويشرب ويحصل على قوت يومه
لايريد ان يكون صاحب جاه يريد قوت يومه لايقدر على هؤلاء الطغاه من البشر
يريد منكم الامان نريد منكم تاميننا على حياتنا نريد حياه امنه متطمئنة
العاشره أون لاين:شكرا أستاذ حسن على ذلك الحوار متمنين أن تنعم مصر كلها بالأمن والأمان
