نضارتي بـ إيدها المَكسورة
و عيني العورة
و طَقم سناني
و شيبة دَقني
و الزَمن الحَنضل مررني
و ياما سَرقني
و الأرض المعجونة بـ دَمعي
فاضت بيا
و الجيب المَخروم
و الساعة
و الجلابية
و الرُز البايت مية ليلة
و اللُقمة الحاف
و القَلب إللي أتعذب ياما
و صَبَح خواف
و العَرَق السارِح فـ قفايا
و القَلم الجاف
و كلام متنطور على ورقة ..
و رمز و صورتين
محتار
مش عارِف مين فيهُم
أنا أصلاً باين لـ عنيهُم !؟
طَب حَد هيدفَع للراجِل
قيمة كَفني
حَد هيتبَرع بـ التُربة لجلن دَفني
بصراحة أنا أصلاَ لا أعرفهُم
و لا حَد من الصورتين شافني !
بقلم | عزيزة على