اوتار الفن | الفن ..والحياة2 بقلم عادل صموئــيل - 12 من سبتمبر 2011 - الأقســام الرئيسيــة

كتب عادل صموئيـــل
زى ماذكرت من قبل ان الفن هو بهجة الحياة .. وانا بيدخل فى جميع المجالات , وان الحاسة الفنية عند الانسان هلى اللى بتخبسه يبدع , ويطور فى ابدعاته , يعنى لو شفنا الاجهزة اللى احنا بنتعامل معاها فى حياتنا , مين اللى اخترعها او مين اللى صممها حتلاقى الاوربيين , ولما ندرس سيكلوجية الاوربيين نلاقى ان الفن متغلغل جدا فى حياتهم يعنى الواحد بيشتغل 7 ساعات بجد , بعدين بيرجع بيته يستمتع بحياته عشان يشتغل حلو تانى يوم , وتلاحظ ان مافيش ح منهم ماعندوش هوايات جميلة , اللى بيرسم واللى بيعزف , او اللى بيحب يتذوق الموسيقى والرسم وهوايات كتير , يعنى مثلا هواية صيد السمك , دخل فيها الفن غير جمال شكل السنارة , لكن اخترعوا طعم جميل جدا اسمه الطعم الطائر , بيبقى شكله زى الحشرة ولما تنزل الماء لو حركت السنارة بإيدك اطعم ده بيحصل له زى كانه اتكهرب , يعنى الحشرة دى تعمل رعشات كانه حية , تيجى السمكة تهجم عليها خايفة لاتطير تروح اسنارة شابكة فيها , بعكس الدود المتخلف بتاع زمان ( وانا صياد قديم )كانت تيجى السمكة تنقر الدودة من جنب السلاح بتاع السنارة من غير ما يمكسها وتقعد تحط خمسين دودة وعندك تحت سمكة خبيثة تاكلهم كلهم من غير ماتصطادها , ولو اصدتها تلاقيها طولها اتنين سنتى , يعنى حتة ببسارياية ماتستاهلش كل التعب ده , لأن السمكة حست ان الدودة مش حاتجرى لكن الطعم الحديث السمكة بتحس انها حية وحاتطير بتلحقها وتبلعها كلها مش تنقر فيها ,
الاحساس بالفن بيصاحبه حاجات تانية , يعنى اللى بيحب يسمع موسيقى اكيد بيحب الهدوء واكيد بيكره الاصوات المزعجة , عندك زمان المروحة المنزلية يوم ما اخترعوها سنة 1940 اولا كان شكلها مقرف وصوتها مزعج كأنه كراكة يعنى افظه من صوت الخلاط دلوقتى , بس كانت اعجوبة , لكن مع الاحساس بالفن ابتدوا اول يخلوا شكلها جميل يعنى حتة مكملة للديكور وثانيا والاهم بتؤدى وظيفتها بدون ازعاج يعنى مش بتعمل صوت بتطلع هواء فقط , العربيات الحديثة تختلف عن العربيات القديمة ان مالهاش صوت , يعنى تقعد جواها كانك فى فلوكة مش اصوات مزعجة , دخل الفن فى الدواء يعنى زمان وانا طفل كان شكل علبة الدواء مش حلو والزجاجة اى حاجة وطعمه زى السم , النهاردة العلبة بقت جميلة جدا والزجاجة جميلة وطعم الدواء حلو يخلى الطفل يحبه , من الاحساس بالفن ممكن تحكم على الشعوب , يعنى التتار مثلا ماحدش اتكلم عن هم بلدهم ايه جواها ايه , التاريخ اتكلم عن الخراب اللى بيعملوه فى كل مدينة يدخلوها ويحرقوها يبقى بالطبع هم بلدهم لاتمت الى الحضارة بصلة , وان ماعندهمش لا فن ولا حضارة ولا اى حاجة فى اى حاجة , يعنى مثلا لما دخلوا مكتبة بغداد من اشهر المصائب اللى عملوها كانوا عايزين يعدوا النهر مالقوش حاجة يعملوها كوبرى راحوا جمعوا كل الكتب والمخطوطات النردة اللى فى المكتبة والتى لاتقدر بثمن ورموها فى النهر عشان يعملوا مكان جنودهم يعبروا النهر عليه ,,,,,
عندك فى التعليم , تلاقى التلميذ فى المدرسة الحكومية شكله نفسيا غير شكل التلميذ فى المدرسة الخاصة , تلاقى الحكومية الفصول مدونة بلون رصاصى غامق مافيش فيه اى احساس بالفن ولكن يعطى الانقباض بعكس الخاصة تلاقى الفصل لونه جميل ومبهج , وفيه لوحات جميلة حاجة تفتح النفس مش تجيب الاكتئاب , الاحساس بالفن بيرفع ذوق الناس يعنى فى المانيا مثلا مش ممكن حتلاقى ورشة سمكرة عمالة تدق طول النهار فى حى سكنى , او حتى مطعم بيشوى فى الشارع ويخنق الناس , بسط شىء تلاقى علامة ممنوع استعمال الكلاكسات , مش ممكن تسمع كلاكس , عندنا تحت العلامة دى بالذات تسمع 35 كلاكس وبإستمرار
مع اطيب تحياتى